Munaasabad loogu dabaal dagayay sanad guuradii 51ee aas aaskii urur goboleedka midoowga afrika ayaa maanta lagu qabtay magaalada muqdisho.

Munaasabdaa ayaa waxay ka dhacday Xerada Xalane oo ah Taliska ugu wayn ee AMISOM gudaha soomaaliya waxaana ka Qeyb galay mas’uuliin ka tiran doowlada soomaaliya iyo saraakiil ka tirsan ciidamada midowga Afrika eek u sugan magaalada muqdisho.

Madaxweynaha soomaaliya xasan Sheikh maxamuud oo munaasabdaasi hadal ka jeediyay ayaa waxa uu u hambalyeeyay sanad guuradii 51 ee ka soo wareegatay Markii la aas aasay midowga Afrika isagoona sheegay in doowlada soomaaliya ay sharaf u tahay aas aaskii urur Goboleedka midowga Afrika ilaa iyo haatan uu calankeeda ka dhex taagnaado .

Xasan sheikh maxamuud ayaa sheegay in Doowlada soomaaliya ay magaalada muqdisho ka dhistay Xaafad lagu magacaabo African Village oo ay ugu tala galeen inay dagaan madaxda midowga Afrika shirarkoodana lagu Qabto inkastoo ay xaafadaasi ya gacanta ku dhigeen Al-shabaab ayaa waxa uu u mahad celiyay Ciidamada Doowlada soomaliya iyo kuwa AMISOM oo ku guuleysatay inay Shabaab ka saaraan.

Urur Goboleedka midowga Afrika ayaa waxaa aas aaskooda lagu xasuustaa in soomaaliya ay kamid ahayd hogaanka ururkaas sidoo kalena ay ciidamo u soo direen somaaliya kuwaa oo ka qeyb qaatay Xureynta iyo gacan ku dhigida meelo fara badan oo soomaliya ah horayna ay Shabaab u maamuli jireen.

WM.Muqdisho

Maxkamada ciidamada qalabka sida ee Puntland ayaa xukuno dil ah ku riday dadkii loo soo qabtay dilalka Sheikh C/Qaadir Nuur Faarax, Gaadhaanle C/laahi Xuseen dhaqane Gaaldile, iyo gaashaanle C/laahi Saalax Cali nadale taliye ku xigeenkii hore ee ciidanka booliiska Puntland oo intaba lagu dilay Garowe.

Dadka kiisaskaan loo xukumay oo tiro ahaan gaaraya 7 ruux ayaa haatan 5 kamid ah waxay ka maqan yihiin gacanta dowladda Puntland.

Xeer ilaaliyaha maxkamada darajada koowaad ee Puntland C/laahi Xirsi Cilimi oo xukunka kadib lahadlay Radio Kulmiye ayaa uga waramaya sida uu xukunada u dhaceen. Waxa uuna u sheegay in ay xukunkaan ku rideen dad loo soo qab qabtay dilka.

maamulka Puntland ayaa waxa uu dhawaan Dil ku fuliyay 13-qof oo la sheegay inay ka tirsanaayeen Al-shabaab.

WM.Muqdisho

Dibad bax balaaran oo lagu taageerayay horumarada iyo guulaha ay dowladu gaartay ayaa maanta lagu qabtay magaalada Muqdisho.

Isu soo baxan oo lagu taageerayay horumarada dowlada iyo mowshinkii xukuumada ka dhanka ahaa ee laga laabtay, ayaa waxa ka qeybgalay kumanaan dadweyne ah oo ka kala yimid degmooyinka gobolka Banaadir kuwaas oo watay boorar ay ku qornaayeen halku dhigyo ay ku taageerayaan dowlada, ayna kusoo dhaweynayaan mowshinkii la baajiyay.

Dibadbaxayaasha oo ay ka muuqatay xamaasad ayaa waxa ay ku qeeylinayeen ereyo ay ku taageerayeen dowlada kuna soo dhaweeynayeen dib uga laabashada mowshinkii laga keeenay xukuumada.

Dadweynihi ka qeybgalay dibadbaxan ayaa waxa ay isugu soo urureen barxadda Sayidka waxaana halkaasi kula hadlay mas’uuliyiin ka tirsan maamulka gobolka Banaadir kuwaasoo ugu hambalyeeyay dibadbaxayaasha sida nabadgelyada leh oo ay ku muujiyeen dareenkooda.

Gudoomiyaha degmada Xamarweyne C/llaahi Sahal Gardhuub oo ku hadlay magaca gudoomiyayaasha degmooyinka G/Banaadir ayaa amaanay waxqabadka dowlada iyo guulaha kala duwan oo ay ka gaartay arrimaha gudaha iyo dibada, isagoo ugu hambalyeeyay mudanayaashii ka laabtay mowshinka sida ay u tixgeliyeen rabitaanka shacabka Soomaaliyeed.

Jawaahir Baarqab oo ah gudoomiyaha ururka haweenka gobolka Banaadir oo munaasabadaasi ka hadashay ayaa soo dhaweysay mowshinkii laga laabtay iyadoo hoosta ka xariiqday in dowladu ay la timid wax qabad muuqda oo la taabankaro mudada kooban oo ay jirtay, waxeyna kula dardaarantay shacabka iney af iyo adinba ku taageeraan dowladooda.

Afhayeenka maamulka Gobolka Banaadir mudane Maxamed Yuusuf oo isna ka hadlay munaasabadaasi ayaa ku amaanay dibadbaxayaasha sida wadaniyada leh oo ay u taageereen dowladooda, isagoo ururka midawga Afrikana ugu hambalyeeyay sanadguurada 50 ee ka soo wareegaty aas’aaska ururkaasi, wuxuuna tilmaamay in ciidamada Midowga Afrika ay wax weyn u qabteen dadkeena, wuxuuna ku booriyay dadka ku nool magaalada iney gacan ka geystaan dadaalada uu wado maamulka gobolka ee lagu soo celinayo bilicdii iyo nadaafadii Muqdisho.

Dibadbaxan ayaa kusoo beegmayaa xilli maalintii shalay dib looga laabtay mowshinkii laga keenay xukuumada, maalin ka hor ayaa dibadbax kan la mid ah oo lagu taageeray dowalda loogana soo horjeeday mowshinka waxa uu ka dhacay isla barxadda Sayidka.

WM.Muqdisho

Heshiiskan ay kala sixiixdeen Dowladdaha Soomaaliya iyo Sudan ayaa waxaa uu yahay mid quseya amanka soomaaliya iyo sidii cidanka Soomaaliya dib u dhis loogu sameyn lahaa.

Labada Dowladood ee Soomaaliya iyo Sudan ayaa waxaa heshiiskan ukala Sixiiyey Gen. Xassan Maxamed Xussen Muungaab oo ah Gudoomiyaaha Maxkamadda Sare ee Cidanka qalabka sida halka Sudana uu u saxiixey Gen Axmed Jamac oo ah Gudoomiyaha Garsoorayasha cidanka Qalabka Sidda ee Sudan.

Qodobada ay sida gaarka ah ay ugu heshiyeen labadda Dowladood ayaa waxaa ka mid ah

In dowladda Soomaaliya sida ugu dhaqsiyaha badan looga caawiyo Dib udhiska Cidanka Xooga dalka isla markaana ay tababaro dheraad ah ay u siiso Doladda sudan iyadoo Dowladda Sudan ay balan qaadey in ay sida ugu dhaqsiyaha badan ay u fulineyso Qodobadda heshiiskan.

Shirka labada General ayaa waxaa goob jooog ka ahaa Wasiirada Gashandhiga kabada Dowladood C/xakiin xaaji maxamuud Fiqi iyo C/raxiin Maxamuud Xassan waxaana heshiska lagu saxiixey xaflad xaley ka dhacdey Casimada Dalka Sudan ee Khartuum.

WM.Muqdisho

Gudoomiyaha Gobolka Banadir ahna duqa magalada Muqdisho Maxamud Axmed Nuur Tarsan ayaa qeyladhaan kamuujiyay isbaroyinka an lasookoobi karin ee yala qeybo kamid ah magalada Muqdisho.

Gudonka Gobolkan ayaa sheegay in isbaroyinkaas ay u yaalaan cidama katirsan kuwa Dowlada iyo maleeshiyaad aan cidna ka amar qaadan oo soo xirtay dareska ciidanka dowlada.

taasna ay kadambeyso dharka ciidanka oo meelwalba iska yaala waxana uu intaa kudaray in dowlada ay marar badan iskudaydey inay waxka qabato hase yeeshee ay meshoodii kabilabanaysay aysana rali ka ahayn.

Maxamud Axmed Nuur Tarsan ayaa dhanka kale sheegay in magalada ay goor dhow isku furi doonan lana keeni doono ciidmada amaan oo waxbadankabadali doona sida hatan uu xalku yahay su’aal in badan kusolabatay ayu sidokale uga jawabay wadada maka al mukarama waxa mara martiada dowlada waxa wadooyinka kale ay ugaa duwan tahay haseyeeshee kuwa kalena kama gabindoono.

WM.Muqdisho